السلام عليكم ...
شفت لكم كلمات ورابط عن عقوق الوالدين وبالاخص الام في أحد المنتديات ..
فجبت لكم كلمات ورابط للصوت للمبدع سمير البشيري عن الام عسى الله يحفظهم ويرحم الاموات منهم
اللهم امين وعسانا نبرهم يارب ..
رجااااااااااء يا بنات بروا أمهاتكم واطلبوا
رضاهم ولا اتزعلونهم بس هذا اللي عندي بصراحه لان الكلمات والانشاد أثر فيني عسى الله يرحمنا
ويتقبل منا أعمالنا وعسانا نبرهم يارب ..
أخليكم مع الكلمات ..
غاب أبوه اللي يضمه ... وماباقي له غير أمه
أمه الأم الرحوم وكل طيب تحتويه ..
كلها عطف وأمومه ... شالت الوقت بهمومه
ودها تسعد ولدها بأي شئ وتحتويه..
أمنت له كل شئ وحبه ابها نبض حي ..
ولطلبها ما طلبها ساع يطلب تشتريه ..
كافحت في هالحياة .. سوت اله المعجزات
وان تأخر ما تنام الليل كله تحتريه ..
تبكي والدمع يغشاها .. وتمسحه لامن جاها ..
ماتبيه يشوف دمعة حزن ألمها يكتسيه ..
ومن بعد ماشب عوده وأستوى وكبرت عضوده
وصار متزوج بعذرا .. لا معـــاها تصيـــر إيــه ..
نسته أم وفت له .. يوم الأجوا ما صفت له
لا وقالت له أنا أبغى بيت أمك ماتجيه ..
كيف أصير ببيتي حره ..
وأنا أشوف الأم ضره ..
وخططت له ودبرت له وسوى كل اللي تبيه
ولأن شخصيته ضعيفه .. وأمه أشبه بالكفيفه ..
ما توانا لو دقايق يطرد أم ترتجيه ..
وقام وسوى له جريمه .. وشالها شيلة غريمه ..
وعقب وصلها الرعايه صوتت له يا ولدي هييييييه ..
ياولدي وين أنت رايح .. قالته والدمع ساايح ..
والتفت فيها ورد رد متنكر سفيه ..
قال أنا رجال تاجر .. منشغل بين المتاجر ..
وإن بغيتيني بحاجه هذا رقمي واطلبه ..
ولجل ماتجرح شعوره .. طاعته بأمره وشوره ..
وابتعد عنها وقفى وكل ما سوت نسيه ..
وهمل أمه ياحسافه .. وصد وأعلن انحرافه..
وصار مايسأل عليها ولا تلاقوا بالوجيه ..
ولا هي يوم إسألوها بالرعايه وانشدوها ..
قالت بنبره جزينه أولدي والله يهديه ..
عنده أشغال كثيره .. وكم محل هو يديره ..
وعاذرته بما فعل بي دام ماأمره في يديه ..
ومن ولعها في ظناها .. كل هم إكتساها ..
وأصبحت في وضع موسف وضع ما تحسد عليه ..
وضعٍ كل ٍ به تأثر .. عاشت به أسبوع وأكثر ..
لين روح الطهر فاااااضت من جسد طاهر نزيه ..
حلمها اللي في ولدها .. لا كبر يكبر سعدها..
مات لحظة كفنوها ولا بقى ياكود ليه..
ليه هملها وجفاها ؟؟
ليه ما قدّر وفاها ؟؟
ليه يقتل حلمها اللي من زمان تعيش فيه ؟؟
ليه وكم من ليه مرت في خيالي واستقرت
شرقت بي وغربت بي وصرت في حيره وتيه ..
ولكن الكلمه الأخيره .. رددوها بكل ديره ..
وقولوا من يبغى رضا الله يطلب رضا والديه ..
والحين هذا الرابط ..
https://www.youtube.com/watch?v=htt5afbm55Uوأتمنى يعجبكم تقبلوا هالموضوع :eh_s(17)::eh_s(17)::eh_s(17):
